ევროპარლამენტის მოდელირების პროექტში მონაწილეობა ჩემთვის ერთ-ერთი ყველაზე მნიშვნელოვანი და გარდამტეხი გამოცდილება იყო. თავიდან მსურდა უბრალოდ გამეგო, როგორ მუშაობს ევროპარლამენტი და რამდენად რთულია გადაწყვეტილებების მიღება პოლიტიკაში, მაგრამ საბოლოოდ მივიღე ბევრად მეტი ცოდნა, უნარები და თავდაჯერება.
პირველი ნაბიჯები სულაც არ იყო მარტივი თავიდან ვნერვიულობდი, ვდარდობდი შევძლებდი თუ არა, საკმარისი ვიყავი თუ არა სიტყვით გამოსვლისთვის და დებატებისთვის. თუმცა, სწორედ ამ შიშმა მიბიძგა განვითარებისა და ჩართულობისკენ.
ახლა კი ეს საქმე ნამდვილად მიყვარს მივხვდი, რომ პოლიტიკა მხოლოდ გრძელი ტექსტები და რთული დოკუმენტები არ არის. ეს არის ხალხზე ზრუნვა, ახალი იდეების წარმოჩენა და შენი ხმით ცვლილებების შექმნა. 
